• 'Analena Ta'ai

Popoaki Fiekaungamamahi mei Matahau

Kia 'Etivise Jr. mo e ki'i fanau paea, Kia 'Etivise mo Fonua mo Toni mo e famili, Kia Vake mo Maikeli mo e fanau, Kia Silia mo Tau mo e fanau, Pea ki he ongo famili hono kotoa. Ko e Hala kuo papa Pea kuopau ke tau fou kotoa ai Tau lea fakataha pe mo Siope: "Ko e koloa na'a ne foaki, 'Oku fa'iteliha pe ke Ne toe to'o." 'Io, 'oku tau ongo'i e mavae, 'O fai ai e to lo'imata, Mo e ongo'i mo'oni 'a e 'ikai lava ke fua e kolosi fakalava 'Oku hilifaki mai ki hotau uma. Kae 'ave mu'a 'etau manatu, Ki he founga 'a e Tamai faka-Hevani, 'A si'ene 'ofa'i vale'i 'a 'Isi, 'O Ne ma'u e fu'u taimi lahi, ke fai ha'ane teuteu lelei, ki he houa mo e 'aho, na'a ne tali ai hono ui ma'oni'oni. Tau tulolo 'i he loto fakafeta'i Pea 'oku fakafolau atu ai 'Emau ki'i lotu vaivai, mo e popoaki fie kaunga mamahi ki he mole 'a e husepaniti, ko e 'ofa'anga, ko e Tamai, ko e foha, ko e kaunga fononga he tui mei Taimi ki 'Itaniti. 'Oku tau kaunga heka he vaka tatau-mamahi he mavae kae 'oua 'e siva ai e 'amanaki he ko e 'Eiki e, 'oku kei 'i vaka pe, Ke ne fakanonga mo holoholo'i e lo'imata mamahi 'o e mavae. 'Etivise mo e ki'i fanau paea, Silia mo Tau. 'Oku mau lotu atu ke mou fua fiefia e kolosi 'o e mavae ta'engata, Kuo mahino e hala 'o 'Isi Kuo ne 'inasi he 'api kuo 'osi teuteu ma'ana. Ko kitaua eni ke tau feinga atu ke tau toe fakataha fiefia mo 'Isi he kolo Hau ko Selusalema Fo'ou.


'Oku mau 'ofa atu mo e lotu mo e fie kaunga mamahi mo'oni. Meia; Maliana, Sr. Clare, Lotiola mo e famili hono kotoa mei Matahau. TONGA.

0 views0 comments

Recent Posts

See All

Fatai & 'Ekuasi Reunion 2016

To Each One and All, The Dearest Ones Within Fatai & 'Ekuasi Family First of all, thank you Laupoini Jr. for initiating this sharing of digging out good ideas about: " FATAI & 'EKUASI FAMILY REUNION 2

© 2009 fataiekuasi.com   All rights reserved

Follow Us
  • White Google+ Icon
  • White Facebook Icon
  • White Instagram Icon