• 'Analena Manu Ta'ai

Lalo Kalosipani News (4 July 2011)

Malo e lelei famili, Ko e ki'i update nounou atu pe e ngaahi me'a 'oku hoko 'i hotau nu'u. So far I know some of you are so anxious to find out the result of the singing competition of 'Apifo'ou ex-students which was held on the 25th of June.

Ne mau fakatu'uta atu pe mo 'emau kau hiva ki he Kolisi 'Api-fo'ou 'o mau polopolo'i ai 'a e fu'u pasi fo'ou 'a Matahau. Ne mau a'u atu 'o toe fai ai ha ki'i ako hiva tautefito ki he le'o tangata ke feinga'i ke 'oua na'a ngangana 'a e hiva. Ne hili ia ne mau ma'u ai pe 'emau me'atokoni he ne 'osi mahino pe ne 'i ai e fa'ahinga ia ne te'eki 'i ai ha tokalalo tautefito ki he matu'a tangata, pea ke fakafonu foki ai honau guts ke feinga'i 'aki 'emau ki'i hiva. Te'eki ke kamata 'a e sivi hiva kuo 'osi mahino eni ia 'e 'iai 'emau pale ia 'a kimautolu 'e ua 'i he le'o tangata 'ata'ataa mo e le'o tangata tokoni 'e he me'alea. Ko e kau hiva pe 'e tolu ki he le'o tangata 'ata'ataa 'a ia ko Ma'ufanga, Toa 'o Pouvalu mei Kolovai 'a ia ne takitau mai ai 'a e Patele Tauhi Palokia, Patele Mateo Lui, pea mo kimautolu mei he Funga Ngalukilo, kae kau hiva pe 'e ua ki he le'o tangata tokoni'i 'e he me'elea 'a ia ne mau lilima'a pe ai mo e Toa mei Kolovai. Ne 'ange'ange ai 'a 'emau fe'au'auhi mo e Toa ke 'oua na'a laka hake e hiva 'a 'e Toa 'ia kimautolu and vice-versa. 'Ko e kau fakamaau ki he sivi hiva ne toko tolu 'a ia ko e ongo faifekau mei he Siasi Uesiliana ko Viliami Petelo mo Faifekau Pakileata.'I he faka'osinga 'o e 'aho mo e tala e ola 'o e fe'auhi, 'o mahino ai ki he Toa, 'oku tapu 'aupito 'enau feinga mai ki he Funga Ngalukilo. Ko e hiva le'o tangata 'ata'ataa ne 'uluaki pe 'a Ma'ufanga , ua kimautolu pea tolu leva 'a Kolovai. Ko e hiva le'o tangata tokoni'i 'e he me'alea ne mau taa'i ai 'a e Toa 'o nau punopuna atu ki he ngaahi fu'u Toa 'o tautau mai mei ai te'eki ke vavea tuku e sivi hiva.

Ko e fiefia ka ko ha fiefia 'emau ki'i kau hiva, neongo ne 'ikai place 'emau hiva tuifio, 'i he pale ne mau ma'u. Fai ai pe 'a e inu kava papahia 'a e matu'a tangata ne totongi mei he pale 'o kau ai pe kinautolu ne 'ikai ke nau fie poupou mai ki he ki'i sivi hiva ne fai.

Ka ko hai na'e toko tolu 'aki 'a e kau fakamaau? Our very own Mrs. Faleola Fe'ao Vahe pea ko ia na'e sea he fakamaau and she was the one who totalled up the marks of the choirs.Tau sio mai ki ha'ane TANAKI e maaka e! MA'U E MAHINO E! NE MAU KI'I KAU MO E FAKAMAAU.

Ko e pasi eni 'a Matahau ne kamata 'ene fai fatongia 'aneuhu pea 'ofa ke lele lelei ai pe 'a 'ene fai fatongia.

Hiko Si'i is still doing well, kei fakaongoongo pe ki ha fetu'utaki mai mei falemahaki ki ha tau mai 'a e kau Specialists mei muli ke toki sio ai ki he me'a 'e hoko atu. Ko e ngata'anga pe ia 'a e ki'i ongoongo kau 'alu a ki he'emau fakataha.

Mau 'ofa atu kia kimoutolu hono kotoa,

mei he Lalo Kalosipani.

3 views0 comments

Recent Posts

See All

Fatai & 'Ekuasi Reunion 2016

To Each One and All, The Dearest Ones Within Fatai & 'Ekuasi Family First of all, thank you Laupoini Jr. for initiating this sharing of digging out good ideas about: " FATAI & 'EKUASI FAMILY REUNION 2

© 2009 fataiekuasi.com   All rights reserved

Follow Us
  • White Google+ Icon
  • White Facebook Icon
  • White Instagram Icon