Kia Toni & Seini, Kuti & Tita mo Patele Palenapa mo e makapuna 'o Fatai mo 'Ekuasi Tavo.

Ko au Maliana, Sr. Clare mo Lotiola. 'Oku mau ongo'i 'a e 'ikai te mau lava atu ki he'etau "Family Reunion". 'Oku 'oatu 'emau kole fakamolemole mo e kole ho'omou mahino, ki he 'uhinga 'oku 'ikai ke mau lava atu ai. Ko e loto, 'oku 'i hena pea 'oku ongo 'aupito kia kimautolu 'a e 'ikai te mau lava atu, pehe kia kinautolu mei 'Amelika lahi.

Toni mo Kuti, mo fakamolemole'i ange kimautolu. Mahino lelei kia kimautolu Toni mo Seini, Kuti mo Tita ki si'omou tuku taimi mo e fakamole lahi he teuteu lahi kuo fai, koe'uhi pe ke toe lalanga e mo'ui fe'ofo'ofani mo e feongo'i'aki 'i he fanau, meia Laupoini kia Palenapa pea meia Maliana kia Pelenatita, kae'uma'a 'etau fanau mo e fanga makapuna. Pea 'oku mau ongo'i 'oku hoko 'emau ta'e kau atu ko e fakaloto si'i, fakaloto mamahi mo e fakaholomui ki si'omou feinga mo e fakaongosia kuo fai. Mou fakamolemole'i ange kimautolu.

'Oku mau kole ke mau hufanga atu pe mu'a he ongo fofoga mo'ui faitonunga 'oku na tatoka he fa'itoka ko Loma. Mou 'ofa mai 'o fakamolemole'i ange kimautolu pea mou loto lahi.

'Oku mau fakatauange kuo mou tali lelei si'emau kole fakamolemole.

'Oku 'oatu 'emau Talamonu mo e fakatauange ke hifo e tapuaki mo e Laumalie 'o e Tamai faka-Hevani 'o nofo'ia 'i homou lotolotonga, pea ke mou ma'u ha taimi fonu fiefia mo e toe vaofi ange 'a e feongo'i'aki.

'Oku mau tui, neongo 'oku 'ikai te mau 'i hena ka ko 'etau felotu'aki, te ne 'omai ha fa'ahinga ongo 'i he feongo'i'aki vaofi, ke tau fononga atu 'aki 'i he'etau fetauhi'aki VA 'i he lolotonga ni mo e kaha'u na.

Talamonu atu fakataha mo 'emau ki'i lotu vaivai, ke 'alu lelei e me'a kotoa 'i he polokalama 'o e "Family Reunion". 'Io! 'amusia kimoutolu. Mou fiefia hena ka mau lotu atu ke 'alu lelei e me'a kotoa.

Mou malimali a, kae tuku a si'omou loto mamahi.

'Oku mau 'ofa atu,

meia Maliana Sisifa mo e famili hono kotoa mei TONGA.