• Uncle D

Wonderful Family Reunion

Hi famili,


Tukumu'a keu fakafofonga'i atu 'akimautolu kotoa mei 'Amelika ni. Ka kimu'a ia, 'oku ou tuku ha fakamalo kihe Tamai Hevani koe'uhi koha ongomatu'a lelei na'a tau tupu mei ai 'o tupunga ai 'etau ma'u ha ngaahi fakataha fakafamili pehe, koe'uhi koe 'ofa ta'efilifilimanako na'ana ma'u kiate kitautolu ko'ena fanau mo hona fanga makapuna. Ko'eku toki ma'u 'eni ha faingamalie keu vakai hifo ai kihe ngaahi news 'oe reunion, moe ngaahi ta faka'ofo'ofa 'oe reunion ne mou fakahoko. Pea 'oku ou fakamalo atu ai kiate kimoutolu Toni mo Seini, 'Etu mo 'Akata moe ngaahi famili 'i Nu'usila, pea pehe kihe ngaahi famili ne mou lava atu kiai, kau tangata'eiki Patele, kae tautautefito kihe kau fine'eiki mei Tonga. Na'aku faka'amu na'e ma'u 'eku vacation kihe uike koia, he na'aku palani pe keu 'alu atu kihe reunion, ka na'e toki ma'u pe 'eku vacation kihe 'aho 31 'o Tisema kihe 'aho 13 'o Sanuali. Pea ko'eku toki foki mai 'eni mei 'Aositelelia. Na'ama o 'o 'eva kiai mo Latu, 'o faka'aonga'i kiai 'eku vacation, ko'ema o pe 'o kai mango, he na'e talamai 'oku hange 'ae folalahi 'oe mango ha niu motu'u. Na'aku ma'u ai ha faingamalie keu fetaulaki ai mo 'Alipate koe talu meihe 1977, ko'eku toki sio ia kihe tokoua koia. Koha me'a fakafiefia kete fetaulaki moe ngaahi kupu 'oe famili. Fakamolemole pe 'ihe 'ikai ke lava atu ha taha mei heni kihe reunion, kapau pe na'e ma'u 'eku vacation, na'ama a'u atu kihe reunion. Ka 'oku tatau moe ha 'a'eku fiefia 'iho'omou fakahoko 'ae reunion 'a'etau ongomatu'a. Pea 'oku lelei pe me'a kotoa heni kihe ngaahi famili, Vake mo Maikeli, Visilia mo 'Ikani, pea pehe kia Lua mo Poini moe kau Hauai'i. Pea koe ta'u ni 'e foki mai ai 'a 'Ekuasi mei he'ene ngaue fakafaifekau 'i 'Epeleli. Pea 'e foki mai 'a Ketula mei Siapani 'i Siulai mei he'ene ngaue fakafaifekau. Pea 'oku ou tui ko'ene toki lava ia hoku va'e keu 'alu holo kiha ngaahi me'a 'oku fai 'ae famili. Koha kilisimasi fakafiefia 'eni ki homau ki'i famili, na'e lava mai ai 'ema fanau mo honau ngaahi famili 'o mau kilisimasi fakataha kae tautautefito kihe fanga makapuna. Fakamalo atu kiate koe Felise ko ho'o lava atu 'o fakafofonga'i atu kitautolu mei he mama'o. Pea fakamalo atu kihe pule lahi 'o mamani he'ene fakangofua koe keke 'alu atu kihe reunion. 'Ofa lahi atu kiate koe. 'Ofa lahi atu kihe famili kotoa mei homau ki'i famili masiva mei he tele'a Salt Lake City. God bless us all.


'Ofa atu,

Tevita & Latu moe famili.

0 views0 comments

Recent Posts

See All

Hello

Hi familia, Malo e lelei famili ko 'eku taimi lunch eni he ngaue peau afe mai ke vakai pe 'oku mou si'i fefe, fuoloa e ta'efelongo aki..'oku mou si'i fefe hake?'Ofa pe 'oku mou mo'uilelei pe e tokotah

Family

Hello family it has been a long long time. Im so happy, finally able to get in this family forum and see how everyone is doing. Im very grateful that the Lord has blessed me to be apart of this family