• Stan Manu

'Ikale Tahi in Town to Play Canada Today



(originally posted on 24 July 2015)


Malo Famili

Ko e ki'i ongoongo nounou pe ke fakaha atu heni 'oku mau teuteu atu ki he fepaki he 'aho ni 'a e Ikale Tahi (Tonga National Rugby Team) pea mo e timi 'akapulu fakafonua 'a Kanata. Na'e tau mai 'a e Ikale Tahi he Sapate (July 19) pea 'oku nau nofo pe he hotele ofi ki he mala'e 'e fai ai 'a e tau, Swangard Stadium, he kolo ko Burnaby, BC (right by Vancouver). Neongo 'emau nofo he feitu'u ia 'oku houa 'e taha 'a e lele me'alele ki Vancouver, ka ko e ma'u pe ha faingamalie 'oku mau lele atu 'o feohi mo mamata he teuteu 'a e Ikale Tahi ki he feinga tau 'oku fai. Ko e tau fakahisitolia 'eni ki Matahau koe'uhi 'oku kau he timi ki he 'aho ni ('o tatau pe 'i he tau mo Fisi 'i he uike kuo 'osi) 'a e ongo tamaiki Matahau 'oku na hoa kapakau.



Ko e taha, Telusa Veainu (#14), ko e mokopuna 'o Veainu, tamasi'i 'a Falelel 'oku nofo Nu'usila. Ko 'ene tau hono ua 'eni ma'ae 'Ikale Tahi hili 'ene fuofua tau he tau pea mo Fisi he uike kuo 'osi. 'Oku hoa kapakau he 'aho ni pea mo Fetu'u Vainikolo (#11), ko e foha 'o Tatafu 'o Matahau pea mo 'ene fa'ee (Nau) mei Ha'alalo. Na'e tutupu hake 'a Fetu'u 'i Ha'alalo ka na'a ku manatu'i pe 'a e fa'a o ange 'a Nau mo e kau leka ki Matahau he'enau kei iiki. Ko e lahi 'ia Fetu'u ko e ki'i tamasi'i ko Toka ka ko 'ene tamai ia 'a'ana ko Lopeti Kaumatule. Kaikehe, ko Fetu'u ko e ta'u lahi mai 'eni ia 'ene va'inga ma'ae 'Ikale Tahi pea mahalo 'oku monu'ia 'a Telusa he'ene hu hake 'o ako mei he taukei 'a Fetu'u he levolo ko 'eni 'o e 'akapulu kae pehe ki he va'inga ma'ae 'Ikale Tahi.



'Oku 'i ai foki 'a e tokolahi 'iate kitautolu 'oku tau 'ilo'i 'a e faiako 'a e 'Ikale Tahi, Mana 'Otai, na'e matapule lahi 'i St John's High School, pea ko e to'u-ako 'o 'Etuate mo Patele 'Ekuasi Manu. Na'a ku talanoa pea mo Mana 'Otai fekau'aki pea mo e toe Matahau 'e taha na'e tu'upau ke tau ma'ae 'Ikale Tahi ka koe'uhi ko e teu-fa'ele mahalo 'a hono hoa pea pehe ki he'ene ki'i lavea 'oku fakaakeake mei ai. Ko e mokopuna ia ko ia 'a Kalamafoni ko Sione Kalamafoni 'oku lolotonga va'inga fakakalapu 'i England. Kaikehe, ne pehe 'e Mana na'a na fetu'utaki pea mo Sione pea 'oku ne teuteu lahi pe 'i 'Ingilani mo faingamalie ke kau ki he Wolrd Cup ('i Sepitema) kapau 'e fiema'u ia. Mahino kiate au kuopau pe ke ui ia 'e Mana ki he sikuati he ko e hoa pau ia he peleki'auei (flanker/break-away) 'o NIli Latu, pea na'e mahino 'aupito pe 'ene va'inga lelei he World Cup he 2011. Ka faifaiange 'o hokohoko tau atu ai pe 'a Telusa mo Fetu'u pea toe hu hake pea mo Sione, ko e toki me'a fakahisitolia ia ha tau 'a e fo'i tokotolu ni mei Matahau he Ikale Tahi - very historical indeed!



Faka'osi, 'e mavahe atu 'a e Ikale Tahi ki he'enau tau faka'osi (round-robin) 'i Toronto he uike kaha'u pea nau foki mai ki heni ki he play-off finals heni 'i 'Aokosi 3. Te mau toe sio-tau ai pe koe'uhi ko e fo'i tau 'e tolu he 'aho pe 'e taha 'o kau ai 'a Tonga, Fisi, Samoa, USA, Canada pea mo Japan. Ko e ngaahi ta pe 'ena 'oku ha atu he photo album ka te u feinga pe ke 'oatu mo ha ngaahi ta lahi 'i ha faingamalie vavetaha. 'Ofa lahi atu kiate kimoutolu kotoa.


2 views0 comments

Recent Posts

See All

Destruction in Fiji

Hi everyone Hopefully if you know any news about our families in Fiji that you share with us here when you can. Obviously we could hear from any of them directly if they were able to communicate with

Uncle Toni's Retirement

Malo famili Those of us on Facebook have now learned through her daughters' posts that our beloved Uncle Toni has finally decided to hang those work boots once and for all. From Sela: Happy Retirement

© 2009 fataiekuasi.com   All rights reserved

Follow Us
  • White Google+ Icon
  • White Facebook Icon
  • White Instagram Icon