• Sr Clare Tavo

Fakamalo

KI HE FANGA TOKOUA MO E FANGA TUONGA'ANE


'Oku ou fai atu 'ae popolave ni 'ihe loto fakafeta'i moe fiefia lahi 'i he utua ta'efakafehu'ia hono 'ofa'i vale'i kitautolu 'ehe 'Alo Pele 'ae Ta'e-ha-mai. 'Oku ou fai atu 'ae fakahoha'ani ke fakafofonga'i atu kimautolu mei he "NGALUKILO" 'ae fakamalo loto hounga'ia mo'oni kia kimoutolu taau taha kihe vaevae manava kuo mou fai mai 'o lava ai 'e hotau ki'i tuonga'ane si'isi'i taha- ki'i tehina, koe ki'i tokoua si'isi'i taha he famili 'o faka'aonga'i lelei ai hono ki'i taleniti, kalusefai 'ene mo'ui kene talaki e mo'ui, mafu ngaue 'oe ongomatu', a e ne na lalanga 'i he'ene mo'ui 'ihe 'Api ko " OFA FAITONUNGA" Si'i Napa, 'oku ou punou ke fai atu e tohi ni moe fonu lo'imata'ia he fiefia 'i he'emau ma'u ha ki'i tuoga'ane mo'ui kalusefai, tuku hifo hoto kita, 'ete fiema'u kake ngaue'i ke utua e nima mea'a moe 'ofa fakaetamai moe fakaefa'e si'etau ongomatu'a. 'Io 'oku ou pehe pe 'oku ta pea ngal, 'oku taau mo totonu ke e'a ia 'iate koe he ko koe fakataha moe si'i fanau 'a Maliana, 'Io ko kimoutolu ne mou inu e melie meihe tatatuku 'ae fai fatongia 'i 'api si'etau ongomatu'a fakangalongata'a. Napa, malo mu'a si'o tou'anga, Kuo tu'u hona fakamanatu 'ihe fakamatelie, 'a e na'ake si'i tou'anga ai. Ka koe langa fale ne na fai kihe'etau mo'ui, 'a eni ia 'oku tau lave monu ai 'ena langa fale fakalaumalie 'oku ai koe Sesu 'oe ngaahi 'ahoni. Patele Fetuimoana Palenapa Tavo moe ki'i kaunanga 'oku fakahoha'a atu, Sr Clare Tavo, kae fefe 'ae ngaahi fu'u fale fakalaumalie, koe fanga mokopuna, Patele Lutoviko Hiko 'i Taulanga Manu, Patele Soane Patita Ekuasi Manu, Patele Lopeti 'Unaloto ki Fa'itoka Manu, 'Oku tau masiva lea ke fakalea'i e hounga'ia 'ae loto 'ihe langa fale kuo na fai ma'a kitautolu. 'Io na'e 'osi lea 'aki pe ia 'e 'Ekuasi ki he'ene tangata'eiki, 'a TAVO pea 'oku tau fakamo'oni'i kuo hoko.

Ko ia ai, 'oku 'ikai ha toe me'a ke fakatataua'aki 'ena 'ofa, ka ko 'etau mate ki hotau kita kae mo'ui mo utua ai 'a Sesu 'o a'u ki hono ngata'anga 'oe fai fononga mei Taimi ki Itaniti. 'Io si'i Napa, malo fau si'i tou'anga pea koe fakamalo atu ia mei he 'API KO 'OFA FAITONUNGA. Na'e 'ikai ke puli ha me'a kia kimautolu ho'o ta'emohe, ho'o ta'ekai, nofo ma'u pe moe HAMALA 'o longolongoa'a pe he tuki e! tuku atu e! 'Io kuo ke pulia, ka 'oku mau kei fanongo pe kiho le'o he kata moe le'o 'oe hamala.


'Oku mau 'ofa lahi atu moe hufaki

Sr Clare

8 views0 comments

Recent Posts

See All

Fatai & 'Ekuasi Reunion 2016

To Each One and All, The Dearest Ones Within Fatai & 'Ekuasi Family First of all, thank you Laupoini Jr. for initiating this sharing of digging out good ideas about: " FATAI & 'EKUASI FAMILY REUNION 2

Napa's Plan for December 2015

Malo e lelei famili. I am writing to ask for your input. So, please leave a comment below. Napa is planning to take a holiday in Matahau in December of this year. And he would like to use it as an o